Наступны матч Брага 6 жніўня (21:30) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"БРЭЙДАБЛІК" — "ДЫНАМА"-БДУФК: 7 ЖНІЎНЯ Ў 10.00

5.08.2026

Падначаленыя Юрыя Малеева працягваюць выступленні ў 2-м кваліфікацыйным раўндзе жаночай Лігі чэмпіёнаў-2026/27. На жаль, прабіцца ў фінал групы 3 не атрымалася — непераадольным бар’ерам аказаўся швейцарскі "Сервет" (0:3).

У пятніцу, 7 жніўня, "Дынама"-БДУФК чакае супрацьстаянне за 3-е месца — супраць ісландскага "Брэйдабліка". Суперніцы пазмагаюцца на цэнтральным стадыёне імя Кабланды-батыра ў казахстанскім Актабэ. Пачатак у 12.00 па мясцовым часе (10.00 па беларускім).

На паядынку будзе працаваць брыгада арбітраў у такім складзе: галоўны — Каралін Енсэн, памочнікі — Хэлле Рэйтэн (абедзве — Нарвегія) і Піна Пуэнтэ. Чацвёрты — Паола Себалада (абедзве — Іспанія). Інспектар матчу — Міраслава Мігалава (Славакія). Дэлегат УЕФА — Лукас Сіатропас (Грэцыя).

Адзначым, што перамога ў гэтай сустрэчы дазволіць нашым дзяўчатам прыняць удзел у стартавым раўндзе Кубка Еўропы-2026/27.