Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПЕРАМОГА НА ТУРНІРЫ Ў САНКТ-ПЕЦЯРБУРГУ

27.02.2023

На мінулым тыдні юнацкія каманды мінскага "Дынама" прынялі ўдзел у трох міжнародных турнірах.

Найвялікшага поспеху дабіліся футбалісты 2009 года нараджэння, якія вярнуліся дадому з Санкт-Пецярбургу з залатымі медалямі мемарыяла Заслужанага трэнера РСФСР Барыса Левіна-Когана.

У межах папярэдняй групы падначаленыя Андрэя Дзятлава размясціліся на першым радку. А ў плэй-оф двойчы ўзялі верх у серыі пенальці, у тым ліку ў вырашальнай стадыі ў драматычным супрацьстаянні з гаспадарамі — равеснікамі з СШАР "Зеніт".

Трафей узнялі над галавамі Мікалай БАРУШНАЎ, Максім ВАРАНКОВІЧ, Данііл АКСЁНЕНКА, Раман ЗДУХАЎ, Раман КАРОЛЬ, Яўген НЕСЦЯРЭНКА, Максім КАЛЕНІК, Уладзіслаў ВАРОНІН, Цімафей ГУДАЧ, Аляксей АПАНАСЕВІЧ, Мікіта ЖДАН, Мацвей ЯЦКЕВІЧ, Дзяніс ЛЫСІКАЎ, Іван БАЧАЎСКАС, Павел ПУНЯ, Цімафей КАНЦАВЫ, Арцём САЎЧЫЦ, Мікіта АЛЯКСАНДРАЎ.

Прыз найлепшаму брамніку спаборніцтваў атрымаў Мікалай Барушнаў, гульцу — Цімафей Гудач. Найлепшым у шэрагах "бела-сініх" названы Ўладзіслаў Варонін.

 

У Паўночнай Пальміры адбыўся і юбілейны, 10-ы, Кубак заснавальніка футбольнай школы "Смена" Дзмітрыя Бесава сярод хлопцаў 2008 года нараджэння.

Дынамаўцы пад кіраўніцтвам Руслана Азаронка саступілі казахстанскаму "Кайрату", мясцоваму "Зеніту", але захоўвалі шансы ўзабрацца на п'едыстал, калі б у заключным матчы адолелі супернікаў з сербскай "Црвены Звезды". Былі блізкія да дасягнення жаданага выніку, вялі 2:1, вось толькі за пару хвілін да фінальнага свістка прапусцілі з пенальці — 2:2 і 4-я пазіцыя.

 

На турніры "Наша будучыня" сярод гульцоў 2012 года нараджэння, які сабраў у Мінску 32 каманды з Беларусі і Расіі, "бела-сінія" фінішавалі 5-мі.

Увогуле дружына Мікалая Крукава правяла восем паядынкаў: шэсць разоў аказалася мацнейшай і зазнала дзве паразы. Адзначым разгром калінінградскай "Балтыкі" (4:1) і перамогу ў дуэлі за 5-е месца над URALKIDS з Екацерынбургу (1:0).

Выхаванца "Дынама" Цімафея Мікшу прызналі найлепшым жанглёрам спаборніцтваў.

Фота: прэс-служба ФК "Дынама-Мінск", прэс-служба Акадэміі ФК "Зеніт".