Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Акадэмія мінскага "Дынама" цяпер прадстаўлена ў Instagram — адной з самых папулярных сацыяльных сетак у свеце!
Афіцыйны акаўнт пастараецца радаваць аператыўным размяшчэннем найбольш значных навін, знаёміць з дэталямі трэніровачнага працэсу, а таксама з бытам выхаванцаў нашага клуба.
Пачынаем сёння — і не прыпыняемся! Падпісвайцеся, каб не прапусціць нічога цікавага з жыцця юных "бела-сініх"!
