"СМАРГОНЬ" — "ДЫНАМА-МІНСК": ІНФАРМАЦЫЯ АБ МАТЧЫ

У нядзелю, 25 чэрвеня, дынамаўцаў Мінска чакае супрацьстаянне 13-га тура чэмпіянату краіны-2023 ў элітным дывізіёне — выязное са "Смаргонню". Супернікі пазмагаюцца на стадыёне "Юнацтва" (вул. Пятра Балыша, 9). Стартавы свісток прагучыць у 19.00.

КВІТКІ

Кошт складзе 3 з паловай рублі — набыць можна на Ticketpro ці ў дзень паядынку на самой арэне з 17.00.

Для заўзятараў нашай каманды выдзелены сектар 6.

Прапануем адправіцца на гульню арганізавана, на аўтобусе — свабодныя месцы пакуль ёсць.

НАДВОР’Е

Паслязаўтра ўвечары ў райцэнтры Гарадзенскай вобласці будзе малавоблачна. Слупок тэрмометра ўсталюецца ля адзнакі +22+24 градусы.

ФОРМА

Хлопцы Вадзіма Скрыпчанкі выйдуць на поле ў белых майках і трусах (галкіпер — цалкам у чырвоным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з мінчанінам Дзмітрыем Дзмітрыевым, асістэнтамі якога стануць Дзяніс Емяльянчыкаў (Гомель) і Антон Палуянаў (Мазыр). Чацвёрты суддзя — Вадзім Лянкоўскі (Мінск).

Інспектар матчу — Алег Чыкун (Стоўбцы).

Дэлегат АБФФ — Ігар Белоў (Мінск).

ТРАНСЛЯЦЫЯ

Убачыць усё самае цікавае дазволіць жывы эфір на тэлеканале "ЯСНАе TV" і сайце abff.by (з інтэршумам). Замежным гледачам прапануем назіраць за развіццём падзей на Youtube-канале АБФФ.

ДУБЛЁРЫ

Рэзервовыя каманды вызначаць мацнейшага ў Смаргоні, на стадыёне ДЮСШ (вул. Ветэранаў, 9). Пачатак а 12-й гадзіне.