Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КВАРТЭТ "БЕЛА-СІНІХ" — У ФОРМЕ ЮНІЁРСКАЙ ЗБОРНАЙ

21.06.2023

Зборная Беларусі, сфармаваная з футбалістаў не старэйшых за 2005 год нараджэння, адправілася ў Азербайджан на дзве кантрольныя сустрэчы.

Добрую гульнявую практыку атрымалі прадстаўнікі мінскага "Дынама" — брамнік Іван ШЫМАКОВІЧ, абаронцы Мацвей ДУБАТОЎКА і Захар ХОЛАДАЎ, а таксама хаўбек Уладзіслаў КРОЛІК.

18.6. БЕЛАРУСЬ U19 — ГРУЗІЯ U19 — 2:0 (ШЫМАКОВІЧ і ДУБАТОЎКА адпрацавалі ад званка да званка, ХОЛАДАВА замянілі на 70-й хвіліне, КРОЛІК выйшаў на поле на 53-й)

20.6. АЗЕРБАЙДЖАН U19 — БЕЛАРУСЬ U19 — 1:1 (ДУБАТОЎКА правёў увесь матч, КРОЛІК быў заменены на 80-й хвіліне, ХОЛАДАВА ўзнялі з лаўкі запасных на 76-й)

Гэтыя паядынкі сталі для падначаленых Міхаіла Мархеля этапам падрыхтоўкі да адборачнага турніру EURO’2024 (U19). У межах групы 8 нашы суайчыннікі ў лістападзе пазмагаюцца з апанентамі з Турцыі (гаспадары квартэту), Грэцыі і Літвы.