"ДЫНАМА-МІНСК" — "ДЫНАМА-БРЭСТ": ІНФАРМАЦЫЯ АБ МАТЧЫ

У пятніцу, 9 чэрвеня, мінскія дынамаўцы прымуць аднаклубнікаў з Брэста ў межах 12-га тура айчыннага элітнага дывізіёна-2023. Супернікі пазмагаюцца на Нацыянальным алімпійскім стадыёне "Дынама" (вул. Кірава, 8/6). Стартавы свісток прагучыць у 20.00.

УВАЗЕ ЎЛАДАЛЬНІКАЎ АБАНЕМЕНТАЎ НА ТРЫБУНУ С! Прагляд гульні адтуль будзе немагчымы — просім займаць любыя вольныя месцы.

КВІТКІ

Квіткі коштам 5-10 (на трыбуны) і 30 рублёў (у VIP-ложу) даступны для набыцця:

- на Ticketpro

- у любым з пунктаў продажу гэтай кампаніі па ўсёй рэспубліцы

- у фан-шопе на Нацыянальным алімпійскім стадыёне "Дынама" (сектар D24; кожны дзень з 11.00 да 20.00)

У дзень паядынку — у касах ля гістарычнай аркі арэны (з 15.30 да 21.00).

Для прыхільнікаў брэсцкага "Дынама" выдзелены сектары B12 і В13.

НАДВОР’Е

Паслязаўтра ўвечары ў сталіцы будзе воблачна, магчымы невялікі дождж. Слупок тэрмометра ўсталюецца ў адзнакі +21+23 градусы.

ДОПУСК ЗАЎЗЯТАРАЎ

Уваход на стадыён праз гістарычную арку па вул. Кірава адкрыецца ў 19.00.

ФОРМА

Нашы хлопцы выйдуць на поле ў белых майках і трусах (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Прызначэнне на гульню атрымала брыгада арбітраў на чале з Віктарам Шымусікам, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты суддзя — Канстантін Такарскі (Мазыр).

Інспектар матчу — Ігар Крук (Маладзечна).

Дэлегат АБФФ — Сяргей Ільіч (Мінск).

ТРАНСЛЯЦЫЯ

У жывым эфіры супрацьстаянне пакажа тэлеканал "Беларусь 5". З-за межаў краіны назіраць за развіццём падзей можна на Youtube-канале АБФФ.

ДУБЛЁРЫ

Рэзервовыя склады сустрэнуцца ў суботу, 10 чэрвеня, на стадыёне "Дынама-Юні" (вул. Вышалеская, 4А). Пачатак у 14.30.