Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Перад пятнічным чэмпіянатным паядынкам мінскага і брэсцкага "Дынама" запланавана аўтограф-сесія з удзелам футбалістаў "бела-сініх" — брамніка Арцёма МАКАЎЧЫКА і абаронцы Ўладзіслава КАЛІНІНА.
Абодва пакуль па-за гульнёй з прычыны пашкоджанняў, але з вялікай асалодай сустрэнуцца з заўзятарамі.
Стартуем у 19.00 у клубнай фан-зоне, а потым разам ідзем на трыбуны падтрымліваць любімую каманду!
