Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

30 ВАРЫЯНТАЎ ДЛЯ "БЕЛА-СІНІХ"

17.06.2023

У аўторак, 20 чэрвеня, адбудзецца лёсаванне 1-га кваліфікацыйнага раўнда Лігі канферэнцый-2023/24, дзе стартуе і мінскае "Дынама".

На гэтай стадыі турніру "бела-сінія" з’яўляюцца сеянымі. І атрымаюць у супернікі адну з гэтых 30 каманд:

"Тырана", "Улажня", "Эгнатыя" (усе — Албанія), "Жалезнічар" (Боснія і Герцагавіна), "Мэгпайс" (Гібралтар), "Тарпеда" (Кутаісі), "Діла" (абедзве — Грузія), "Дэры Сіці", "Сэнт-Патрыкс Атлетык" (абедзве — Ірландыя), "Гіляні", "Дукаджыні" (абедзве — Косава), "Акюрэйры", "Вікінгур" (абедзве — Ісландыя), "Панявежыс", "Хегельман" (абедзве — Літва), "Бальцан", "Біркіркара" (абедзве — Мальта), "Зімбру" (Малдова), "Космас" (Сан-Марына), "Глентаран" (Паўночная Ірландыя), "Македонія" (Паўночная Македонія), "Жыліна" (Славакія), "Пенібонт", "Хаверфордуэст Каўнці" (абедзве — Уэльс), "Вікінгур" (Фарэры), "Хака", "Хонка" (абедзве — Фінляндыя), "Арсенал" (Чарнагорыя), "Пайдэ", "Нарва Транс" (абедзве — Эстонія).

Напярэдадні лёсавання колькасць магчымых варыянтаў для падначаленых Вадзіма Скрыпчанкі істотна скараціцца з прычыны размеркавання ўдзельнікаў па дадатковых карзінах.

Гульнявыя дні — 13 і 20 ліпеня.

Фота: soccerpro.com