Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Больш за восем тысяч гледачоў на трыбунах Нацыянальнага футбольнага стадыёна назірала за супрацьстаяннем у межах элітнага дывізіёна паміж мінскім "Дынама" і БАТЭ, якія на пару маюць 24 чэмпіёнскіх тытулы. Гэтым разам мацнейшымі аказаліся "бела-сінія" — 2:0.
На Youtube-канале нашага клуба размешчана дзвюххвіліннае відэа, якое дапаможа прасякнуць атмасферай нядаўняга айчыннага "класіка".
Прыемнага прагляду!
