Наступны матч БАТЭ 19 верасня (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПЕРАМОГІ Ў СПАРЫНГАХ З "НЕА САЛАМІНА" І "АРЫСАМ"

18.09.2026

Каманда мінскага "Дынама" U15 (2012 г.н.) адправілася на вучэбна-трэніровачны збор на Кіпр, у межах якога правяла серыю кантрольных матчаў.

Падначаленыя Мікалая Крукава і Вячаслава Яраслаўскага разграмілі равеснікаў з "На Саламіна" — 5:1 (нашы галы: Сяргей Васюкевіч-2, Руслан Князеў, Сямён Несцярэнка, Мацвей Калячонак) і "Арыса" — 5:1 (Аляксей Юхневіч, Сяргей Васюкевіч, Руслан Князеў, Ярамір Дзюмін, аўтагол), а таксама згулялі ўнічыю з "Апалонам" з Лімасола — 2:2 (Аляксей Юхневіч, Руслан Князеў).

Каштоўны міжнародны досвед атрымалі Радыён ЯНКОЎСКІ, Дамір ЯНКОЎСКІ; Аляксей ЮХНЕВІЧ, Арсеній САВАСЦЮК, Арсеній БАНЦЭВІЧ, Сцяпан ЦІТКО, Мілан ТАРАСЕНЯ, Мацвей КАЛЯЧОНАК, Станіслаў НЯРОНСКІ, Сяргей ВАСЮКЕВІЧ, Мікіта ГОРБАЧ, Ягор ДРАБЫШЭЎСКІ, Ярамір ДЗЮМІН, Сямён НЕСЦЯРЭНКА, Руслан КНЯЗЕЎ, Арцём ГРЫШАНАЎ.

Адзначым, што гэты склад "бела-сініх" менш за месяц таму дэбютаваў у юнацкім чэмпіянаце краіны, прычым выступае ва ўзроставай катэгорыі U16, то бок спаборнічае з супернікамі старэйшымі на год. І стартаваў з дзвюх упэўненых перамог!