Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У сераду, 21 студзеня, спарынг-праграму ў межах перадсезонкі-2026 адкрыюць дублёры "бела-сініх".
На "сінтэтыцы" роднага "Дынама-Юні" па вул. Акадэміка Вышалескага, 4А належыць прымаць прадстаўніка элітнага дывізіёна "Арсенал" з Дзяржынска. Пачатак у 15.00.
Нагадаем, што для падначаленых Сяргея Яромкі гэта першы з трох кантрольных паядынкаў напярэдадні ўдзелу ў 1/16 фіналу Юнацкай лігі УЕФА-2025/26.
