Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АЛЯКСЕЙ ІВАНОЎ — ФУТБАЛІСТ "БЕЛА-СІНІХ"

8.01.2026

Кантракт з нашым клубам падпісаў абаронца Аляксей ІВАНОЎ.

Навабранец "бела-сініх" нарадзіўся 19 лютага 1997-га ў сталіцы. Выхаванец ФК "Мінск" (першы трэнер Уладзімір Рыгоравіч Кірэенка), за асноўны склад дэбютаваў 8 лістапада 2014-га у выязной сустрэчы найвышэйшай лігі з "Дняпром".

Выступаў за "гараджан" (2014 — лета-2016, другая палова 2019-га — 2020), брэсцкае "Дынама" (лета-2016 — 2017; першая палова 2019-га), мінскі "Прамень" (2018), "Гомель" (2021), "Тарпеда"-БелАЗ (2022), "Славію" (2023-25). Уладальнік Кубка Беларусі-2016/17.

Цягам трох сезонаў з’яўляўся важным элементам абарончай пабудовы мазыран, прыняўшы ўдзел у 93 афіцыйных паядынках. А ў мінулым годзе прадэманстраваў уражальнае індывідуальнае дасягненне — забіў сем мячоў. І дапамог палешукам заваяваць бронзавыя медалі айчыннага элітнага дывізіёна. Па выніках чэмпіянату быў уключаны ў сімвалічную зборную "А".

Аляксей, вітаем у складзе "Дынама-Мінск" і зычым, каб 2026-і аказаўся найлепшым у тваёй кар’еры!