Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АЛЯКСАНДР СЯЛЯВА ЗНОЎ ГУЛЕЦ НАШАЙ КАМАНДЫ

11.01.2026

Футбалістам "бела-сініх" стаў вельмі дасведчаны Аляксандр СЯЛЯВА.

Для ўраджэнца Бялынічаў гэта будзе ўжо трэці адрэзак кар’еры ў мінскім "Дынама". Сюды ўчэпісты апорнік перабраўся напачатку 2021-га, маючы за плячыма выступленні ў БАТЭ, "Клечаску", "Тарпеда"-БелАЗе, "Шахцёры", прычым у складзе салігарчан заваяваў Кубак краіны-2018/19 і чэмпіёнскі тытул-2020.

У 2021-м — адзін з ключавых гульцоў нашай каманды (28 матчаў, 2 выніковыя перадачы), пасля чаго адправіўся за мяжу — у расійскі "Растоў" (2022 — лета-2023, 25 паядынкаў, 1 гол).

У ліпені-2023 зноў далучыўся да "Дынама", дзе правёў паўтара паспяховых сезона (56 сустрэч, 3 забітых мячы + 3 асістэнцкіх балы, уключэнні ў сімвалічныя зборныя "А" па выніках чэмпіянатаў-2023 і -2024). Эмацыйнымі пікамі з’явіліся два трыумфы ў айчынным элітным дывізіёне і праход у агульны этап Лігі канферэнцый-2025/26.

У мінулым годзе хаўбек абараняў колеры "Тарпеда"-БелАЗа (38/1+2).

Запісаў сабе ў прафайл 13 супрацьстаянняў у форме нацыянальнай зборнай.

Аляксандр, з вяртаннем! Здароўя, надзейных дзеянняў на газоне і максімальных дасягненняў з "бела-сінімі"!