Наступны матч Славія 21 сакавіка (16:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

СЯРГЕЙ КАРПОВІЧ ДАЛУЧЫЎСЯ ДА "БЕЛА-СІНІХ"

18.03.2026

Футбалістам нашага клуба стаў абаронца Сяргей КАРПОВІЧ, узяты ў арэнду ў "МЛ Віцебск".

Нарадзіўся 29 сакавіка 1994-га ў вёсцы Пятрышкі Мінскага раёна. Выхаванец Акадэміі сталічнага "Дынама" (першы трэнер Сяргей Аляксандравіч Плаксёнак), за асноўны склад якога дэбютаваў 4 мая 2014-га ў матчы элітнага дывізіёна з "Белшынай". У тым жа сезоне дамамог заработаць пуцёўку ў групавы раўнд Лігі Еўропы, дзе прыняў удзел у чатырох сустрэчах.

Усяго правёў у форме "бела-сініх" 52 афіцыйных супрацьстаяння (3 асістэнцкія балы). Срэбраны (2014, 2017) і бронзавы (2016) прызёр чэмпіянатаў краіны.

Таксама выступаў за "Нафтан", "Мінск", "Гарадзею", "Тарпеда"-БелАЗ, "Іслач", казахстанскі "Кайсар", расійскую "Балтыку", "Нёман", узбекістанскі "Наўбахор" і "МЛ Віцебск".

У абойме гарадзенцаў у 2023 і 2024 гадах фінішаваў другім у розыгрышах найвышэйшай лігі плюс абодва разы прызнаваўся найлепшым абаронцам турніру.

Летам 2025-га далучыўся да "МЛ Віцебск", разам з якім заваяваў чэмпіёнскі тытул.

Мае ў актыве 18 паядынкаў за нацыянальную зборную.

Сяргей, з вяртаннем у родную каманду! Максімальных поспехаў і вырашэння ўсіх амбіцыйных задач!