Наступны матч Славія 21 сакавіка (16:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"СЛАВІЯ" — "ДЫНАМА-МІНСК": ІНФАРМАЦЫЯ АБ МАТЧЫ

19.03.2026

Цэнтральны паядынак стартавага туру чэмпіянату краіны-2026 у элітным дывізіёне адбудзецца ў Мазыры, дзе ў суботу, 21 сакавіка, пазмагаюцца прызёры мінулага сезона. Уладальнік бронзы — "Славія" прыме нашу каманду, якая фінішавал арадком вышэй, на стадыёне "Юнацтва" па вул. Янкі Купалы, 26А. Пачатак а 16-й гадзіне.

КВІТКІ

Кошт — 10 рублёў.

Для дзяцей ад 6 да 14 гадоў, жанчын і пенсіянераў — 5 рублёў.

Кассы адкрыюць у 14.00.

НАДВОР’Е

Паслязаўтра ў адной са сталіц Палесья будзе малахмарна, без ападкаў. Слупок тэрмометра размясціцца ў адзнакі +10+12 градусаў.

ФОРМА

Войска Аляксандра Шагойкі згуляе ў белых майках і трусах (брамнік — цалкам у жоўтым).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Віктарам Шымусікам, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск), Чацвёрты — Максім Папок (Мазыр).

Інспектар матчу — Георгі Вербіцкі (Слонім).

Дэлегат АБФФ — Дзяніс Шамшуроў (Мінск).

ТРАНСЛЯЦЫЯ

У жывым эфіры вельмі цікавае супрацьстаянне пакажуць тэлеканал "Беларусь 5", сайт sport5.by і Youtube-канал АБФФ.