Наступны матч Белшына 4 красавіка (18:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

БУЙНАЯ ПЕРАМОГА НА СТАРЦЕ ЧЭМПІЯНАТУ

28.03.2026

Жаночы чэмпіянат Беларусі-2026

Матч 1-га тура

ДЫНАМА-БДУФК (МІНСК) — НАФТАН (НАВАПОЛАЦК) — 7:0 (3:0)
МІНСК. 28 сакавіка. Стадыён "Дынама-Юні". Пачатак у 15.00. 78 гледачоў.
СУДДЗІ: В.Сакаловіч (Жодзіна), Г.Налівайка (Асіповічы), А.Слуцкая (Маркава).
ДЫНАМА-БДУФК: Крупнік, Пуцыковіч (Карняенка, 75), Тарадуда, Каліноўская, Вашчук, Піліпенка (к), Чарлёнак, Ціхамірава (Калюта, 64), Сіняўская (Раброва, 75), Арцішэўская (К.Гузоўская, 86), Петрусевіч (Вацура, 86).
Запасная: В.Гузоўская.
НАФТАН: Вяжэль (Брылёва, 35), А.Бабко (Карпава, 62), Станкевіч, Сідарчук (к), Алёшына (Міхан, 68), Сакалова (У.Бабко, 62), Астрэйка, Фядышына, Віннікава, Яўсеева, Велічынская.
Запасныя: Кунцэвіч, Крахмалава, Барэйка, Пугачова, Шашко.
ГАЛЫ: 1:0 — Ціхамірава (8). 2:0 — Петрусевіч (10, пас — Чарлёнак). 3:0 — Каліноўская (25, пас — Чарлёнак). 4:0 — Чарлёнак (54). 5:0 — Піліпенка (61, пас — Сіняўская). 6:0 — Петрусевіч (63, пас — Арцішэўская). 7:0 — Арцішэўская (72, пас — Чарлёнак).
ПАПЯРЭДЖАННІ: Алёшына (45), Сакалова (54), Карпава (75), Арцішэўская (85), Велічынская (87).