Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сёння спаўняецца 30 гадоў з даты стварэння нацыянальнай авіякампаніі "Белавія", якая цягам доўгага часу ўваходзіць у лік заснавальнікаў ЗАТ "Футбольны клуб "Дынама-Мінск".
Шчыра ганарымся супрацай з такім топавым брэндам, дзякуем за падтрымку і рушым да адной мэты — быць найлепшымі ў сваіх галінах.
Зычым калектыву "Белавія" пастаяннага развіцця, рэалізацыі самых амбіцыйных задумак, мірнага неба і новых маршрутаў!
