Наступны матч БАТЭ 16 мая (15:30) (н)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ВЫКЛІК У ЮНІЁРСКУЮ ЗБОРНУЮ U19

12.05.2026

Зборную нашай краіны, укамплектаваную хлопцамі не старэйшымі за 2008 год нараджэння, чакае ўдзел у адборачным турніры чэмпіянату Еўропы-2027 U19.

У межах групы 3 дывізіёна "А" належыць змагацца з равеснікамі з Латвіі (15 мая), Сан-Марына (гаспадары квартэту; 18-га) і Славакіі (21-га).

Трэнерскі штаб Сяргея Сасноўскага ўключыў у заяўку адразу дзевяць (!) футбалістаў мінскага "Дынама". Гэта брамнік Аляксандр АЛЕКСАНДРОВІЧ, абаронцы Сцяпан ЖЫГІМОНТ, Мікіта КАЛЕСНІКОВІЧ, хаўбекі Дзмітрый ДЗЕГЦЯРЭНКА, Артур ЗАБЛОЦКІ, Ягор МОЎЧАН, Мікіта ЦІТОЎ, нападнікі Сяргей ЖЫВУШКА, Андрэй ЛУЦКОВІЧ.

Адзначым, што Ягор Моўчан далучыцца да гэтай каманды пасля фінальнага паядынку Кубка Беларусі-2025/26.