Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
"Бела-сінія" працягваюць працаваць на клубнай базе ў Стайках. Усе думкі — пра фінальны паядынак Кубка краіны-2025/26 супраць БАТЭ. Стартавы свісток на сталічным Нацыянальным футбольным стадыёне прагучыць у 15.30.
Сённяшняя трэніроўка прайшла ва ўмовах неперапыннага дажджу. Але запланаваны аб’ём нагрузкі хлопцы засвоілі на сто адсоткаў.
Звяртаем увагу, што ў агульную групу вярнуўся паўабаронца Яўген МАЛАШЭВІЧ.
