Наступны матч БАТЭ 16 мая (15:30) (н)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

МЕДЫЯПЛАНЫ "БЕЛА-СІНІХ" ПЕРАД КУБКАВЫМ ФІНАЛАМ

12.05.2026

У суботу, 16 мая, мінскіх дынамаўцаў чакае найважнейшае беларускае "класіка" — на коне ганаровы трафей. Вырашальны паядынак Кубка краіны-2025/26 прыме Нацыянальны футбольны стадыён па Партызанскім п-це, 65. Пачатак у 15.30.

Медыяпланы нашай каманды на перадгульнявы дзень — пятніцу, 15 мая — уключаюць два мерапрыемствы.

У 12.00 на базе ў прысталічных Стайках стартуе трэніроўка "бела-сініх", першая чвэрць гадзіны якой будуць адкрытымі для журналістаў.

Звяртаем увагу: з боку СМІ патрабуецца папярэдняе паведамленне аб праездзе на гэту трэніроўку — да 18.00 у чацвер, 14 мая, па тэлефоне (+375 44) 752 33 63 (прэс-сакратар Дзяніс Сарокін).

У 15.30 у Доме футбола па п-це Пераможцаў, 20/3 пачнецца перадматчавая прэс-канферэнцыя з удзелам прадстаўнікоў "Дынама" — галоўнага трэнера Аляксандра ШАГОЙКІ і абаронцы Рамана БЕГУНОВА.