Наступны матч Арсенал 30 мая (14:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ДЫНАМАЎСКАЯ "ДЗІЦЯЧАЯ ПОШТА" ЧАКАЕ ЛІСТОЎ!

20.05.2026

Рады паведаміць аб узнаўленні нашым клубам праекта "Дзіцячая пошта", які прымеркаваны да Міжнароднага дня абароны дзяцей.

Для ўдзелу трэба напісаць цікавы ліст. Праявіце крэатыўнасць: намалюйце любімага гульца, раскажыце захапляльную спартыўную гісторыю, падзяліцеся эмоцыямі ад наведвання, напрыклад, матчу "Дынама". А ў канцы напішыце, які футбольны падарунак хацелі б атрымаць.

Гэтыя лісты прымаюцца:

- да 3 чэрвеня ўключна па адрасе: Мінск, 220030, вул. Кірава, 8/6, офіс 33 (можна даслаць поштай);

- у нядзелю, 24 мая, на Нацыянальным стадыёне на чэмпіянатным паядынку з "Дняпром" — у фан-зоне паставяць адмыслова пазначаную скрыню.

Кампетэнтнае журы назаве некалькіх шчасліўчыкаў, чые футбольныя жаданні споўняцца. Марце, стварайце — и няхай усё загаданае спраўдзіцца!