"ДЫНАМА-МІНСК" — "ДНЕПР": ІНФАРМАЦЫЯ АБ МАТЧЫ

У нядзелю, 24 мая, наша каманда ўпершыню ў годзе правядзе дамашні паядынак на Нацыянальным футбольным стадыёне па Партызанскім п-це, 65. У межах 9-га тура айчыннай найвышэйшай лігі-2026 належыць прымаць магілёўскі "Днепр". Пачатак а 18-й гадзіне.

КВІТКІ

Кошт — 7-75 рублёў. Набывайце:

- праз Ticketpro;

- у любым з пунктаў продажу кампаніі па ўсёй краіне;

- у фан-шопе на Нацыянальным алімпійскім стадыёне "Дынама" (вул. Кірава, 8/6, сектар D24; штодня з11.00 да 20.00, перапынак — 15.00-16.00).

У дзень гульні — з 12.00 у касе №2 арэны, каля цэнтральнага ўвахода з боку Партызанскага п-та, з 15.30 у касе №1 з боку вул. Ванеева.

Сектар актыўнай падтрымкі гаспадароў (фанаты) — 122, для прыхільнікаў "Дняпра" выдзелены 113.

ДОПУСК ЗАЎЗЯТАРАЎ

Трапіць на тэрыторыю арэны можна з 16.30 праз уваходы з боку Партызанскага п-та і вул. Ванеева.

Для таго каб пазбегнуць утварэння чэргаў, пераканаўча просім прыязджаць загадзя!

НАДВОР’Е

Паслязаўтра ўвечары ў сталіцы будзе малахмарна, без ападкаў — пры тэмпературы +20+22 градусы.

ФОРМА

Войска Аляксандра Шагойкі зрабіла выбар на карысць белых маек і трусоў (брамнік —цалкам у чорным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў з Жодзіна на чале з Паўлам Каранцом, асістэнтамі якога стануць Віктар Фамін і Ўладзімір Русак. Чацвёрты — Ігар Абрамаў.

Інспектар матчу — Валерый Вялічка.

Делегат АБФФ — Дзяніс Шамшуроў (усе — Мінск).

ТРАНСЛЯЦЫЯ

У жывым эфіры супрацьстаянне пакажа Youtube-канал АБФФ.