Наступны матч БАТЭ 16 мая (15:30) (н)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ДЫНАМА-БРЭСТ" — "ДЫНАМА-МІНСК": ІНФАРМАЦЫЯ АБ МАТЧЫ

8.05.2026

Канец тыдня заспее войска Аляксандра Шагойкі на паўднёвым захадзе краіны, дзе належыць згуляць паядынак 7-га тура айчыннага элітнага дывізіёна-2026. Дынамаўскае дэрбі пройдзе ў нядзелю, 10 мая, на АСК "Брэсцкі" (вул. Гогаля, 8) і пачнецца ў 20.00.

КВІТКІ

Кошт — 6-12 рублёў (дзеці да 7 гадоў у суправаджэнні дарослага — бясплатна, дзеці да 14 гадоў, пенсіянеры і інваліды пры прад’яўленні суадносных дакументаў — 4-10 рублёў).

Для заўзятараў нашай каманды выдзелены сектары 1 і 2 Усходняй трыбуны (6 рублёў, ільготны — 4).

НАДВОР’Е

Паслязаўтра ўвечары ў горадзе над Бугам будзе малахмарна, ападкаў не прагназуецца — пры тэмпературы +10+12 градусаў.

ФОРМА

Госці выйдуць на газон у сініх майках і трусах (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Дзмітрыем Маркавым, асістэнтамі якога стануць Яўген Раманаў (абодва — Магілёў) і Аляксей Кавалёў (Асіповічы). Чацвёрты — Іван Паляшчук (Брэст).

Інспектар матчу — Аляксей Кульбакоў (Гомель).

Дэлегат АБФФ — Уладзімір Гаўрышук (Мінск).

ТРАНСЛЯЦЫЯ

У жывым эфіры вельмі цікавае супрацьстаянне пакажа тэлеканал "Беларусь 5".