Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
АБФФ назвала галоўнага героя 7-га тура чэмпіянату краіны-2026 у элітным дывізіёне.
Званне найлепшага футбаліста гульнявога дня атрымаў хаўбек "бела-сініх" Арцём САКАЛОЎСКІ, які выдатна праявіў сябе ў выязным дынамаўскім дэрбі. На 51-й хвіліне адкрыў лік, а на 78-й забіў пераможны для нашай каманды мяч — 2:1.
Віншуем 19-гадовага паўабаронцу з гэтым прызнаннем і зычым далейшых яшчэ больш гучных поспехаў!
