Наступны матч Арсенал 30 мая (14:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

16 КАМАНД ПАДЗЕЛЕНЫ НА КВАРТЭТЫ

19.05.2026

У офісе нашага клуба адбылося лёсаванне груп традыцыйнага рэспубліканскага турніру памяці легендарнага хаўбека "бела-сініх"Аляксандра Пракапенкі.

Праз два тыдні на "сінтэтыку" стадыёна "Дынама-Юні" па вул. Акадэміка Вышалескага, 4А выйдуць хлопцы не старэйшыя за 2016 год нараджэння. У панядзелак, 1 чэрвеня, пройдуць паядынкі папярэдняга этапу, а назаўтра ў фармаце плэй-оф вызначацца пераможца і прызёры.

Знаёмім заўзятараў са складам квартэтаў:

А — "Дынама-Брэст", "Нёман" (Гродна), "Дынама-Брэст"-2, "Днепр" (Магілёў);

В — "Дынама-Мінск"-2, "Мінск-2", "Дынама-Мінск"-2017, "Тарпеда"-БелАЗ (Жодзіна);

С — "Мінск", ДЮСШ-2 (Барысаў), "Віцебск", "Белшына" (Бабруйск);

D — "Дынама-Мінск", "Іслач" (Мінскі р-н), "Гомель", СДЮШАР-2 (Полацк).

Праграму мерапрыемства ўвечары 2 чэрвеня завершыць таварыскі матч ветэранаў мінскага "Дынама" і каманды "Дыпламат", колеры якой абараняюць прадстаўнікі дыпламатычных місій, акрэдытаваных у нашай краіне, замежныя бізнэсоўцы і вядомыя беларускія персоны.