Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Заключны спарынг у гэтай перадсезонцы чакае "бела-сініх" у суботу, 28 лютага, калі належыць пазмагацца з абсалютным дэбютантам айчыннай найвышэйшай лігі.
Паядынак з "Баранавічамі" пройдзе на стадыёне ФК "Мінск" па вул. Маякоўскага, 127/3. Пачатак а 12-й гадзіне.
Уваход вольны. Заўзятарам трэба займаць месцы толькі на галоўнай трыбуне.
Звяртаем увагу, што жывая трансляцыя матча арганізоўвацца не будзе.
