Наступны матч БАТЭ 14 лютага (12:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

У ЗБОРНАЙ WU19 — ДЗВЕ "СУХІЯ" ПЕРАМОГІ

8.02.2026

Дзявочая зборная нашай краіны, сфармаваная з футбалістак не старэйшых за 2007 год нараджэння, правяла спарынгі ў межах лютаўскага трэнінг-кэмпа. І запісала сабе на рахунак вікторыі над удзельніцамі чэмпіянату.

Унёсак у станоўчыя вынікі зрабіў квартэт прадстаўніц мінскага "Дынама"-БДУФК — абаронцы Ангяліна ВАШЧУК, Віялета ГУЗОЎСКАЯ, хаўбекі Вераніка КАЛЮТА, Любоў КАРНЯЕНКА.

Адзначым, што выклік атрымала, але па прычыне мікрапашкоджання па-за заяўкай засталася брамнік "бела-сініх" Екацярына КРУПНІК.

4.2. БЕЛАРУСЬ WU19 — Нафтан (Наваполацк) — 1:0 (ВАШЧУК, ГУЗОЎСКАЯ, КАЛЮТА, КАРНЯЕНКА гулялі)

7.2. БЕЛАРУСЬ WU19 — Дынама-Брэст — 3:0 (ГУЗОЎСКАЯ, КАРНЯЕНКА выходзілі на поле, КАЛЮТА аформіла галявы дубль)

Фота: t.me/fcnaftan