Наступны матч Слуцк-2024 7 лютага (12:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПЕРАМОЖНАЕ ТУРНЭ КАМАНДЫ U14

4.02.2026

"Бела-сінія" 2012 года нараджэння, якім ужо ў верасні належыць дэбютаваць у юнацкім першынстве Беларусі, правялі насычаны і вельмі карысны замежны збор з трэніроўкамі і кантрольнымі матчамі ў двух краінах.

Спачатку мінскія дынамаўцы адправіліся ў Балгарыю: адолелі ў Сафіі равеснікаў з мясцовых ЦСКА — 2:1 (Мікіта Горбач, Сяргей Васюкевіч) і "Арэны Ямбола" — 8:0 (Ярамір Дзюмін-4, Сяргей Васюкевіч-2, Арсеній Савасцюк, Сямён Сякерскі). Потым перабраліся ў Парыж, дзе аказаліся мацнейшымі за ПСЖ U14 — 3:0 (Сяргей Васюкевіч-2, Мацвей Калячонак).

Сёння ўдзень падначаленыя Мікалая Крукава і Вячаслава Яраслаўскага ўжывую падтрымаюць сваіх больш старэйшых аднаклубнікаў у паядынку 1/16 фіналу Юнацкай лігі УЕФА-2025/26 з прадстаўнікамі таго ж "Пары Сэн-Жэрмэн".

У форме нашай каманды ў міжнародных спарынгах на поле выходзілі Арсеній БАНЦЭВІЧ, Сяргей ВАСЮКЕВІЧ, Мікіта ГОРБАЧ, Арцём ГРЫШАНАЎ, Ягор ДРАБЫШЭЎСКІ, Ярамір ДЗЮМІН, Мацвей КАЛЯЧОНАК, Станіслаў НЯРОНСКІ, Сямён НЕСЦЯРЭНКА, Ягор РАМАШЭЎСКІ, Арсеній САВАСЦЮК, Сямён СЯКЕРСКІ, Дзмітрый САБАЛЕЎСКІ, Мілан ТАРАСЕНЯ, Сцяпан ЦІТКО, Цімафей ШЧАРБАКОЎ, Аляксей ЮХНЕВІЧ, Радыён ЯНКОЎСКІ.