Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Шасціразовы пераможца жаночага чэмпіянату Беларусі — мінскае "Дынама"-БДУФК працягвае падрыхтоўку да сезона-2026.
У суботу, 7 лютага, падначаленыя нязменнага галоўнага трэнера Юрыя Малеева правядуць другі ў годзе спарынг — гэтым разам на родным "Юні" (вул. Акадэміка Вышалескага, 4А) супраць бабруйскай "Белшыны". Пачатак у 15.00.
Нагадаем, што тыднем раней нашы дзяўчаты ўзялі верх над АБФФ WU19 — 5:1.
