Наступны матч Слуцк-2024 7 лютага (12:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КІРЫЛ КОЎШ І АРЦЁМ САМУЙЛІК — У "ХВАЛІ"

4.02.2026

Абаронца Кірыл КОЎШ і нападнік Арцём САМУЙЛІК, трансферныя правы на якіх належаць мінскаму "Дынама", да сканчэння сезона аддадзены ў арэнду першалігавай "Хвалі".

Абодва ўжо выступалі ў такім статусе за каманду з Пінска. Коўш — у 2023-м, потым запісал сабе ў актыў этапы кар’еры ў наваполацкім "Нафтане" (другая палова 2024-га) і гомельскім "Лакаматыве" (2025). Самуйлік — у другіх паловах 2024-га і 2025-га.

Адзначым, што Кірыл мае ў прафайле 13 матчаў за наш рэзервовы склад (таксама ўдзельнік Д2), Арцём — 17 (1 гол + 1 выніковая перадача).

Фота: vk.com/volna_pinsk