Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Абаронца Ўладзіслаў РУСАКОЎ да сканчэння сезона будзе на правах арэнды выступаць за першалігавы "Маладзечна-2018".
За паўтара папярэдніх сезона выхаванец нашай Акадэміі запісаў на асабісты рахунак 21 матч, гол і выніковую перадачу за "Дынама"-БДУФК (Д2).
Правёў адзін паядынак у форме каманды "бела-сініх" U19 у Юнацкай лізе УЕФА-2025/26 (1 асістэнцкі бал).
