Наступны матч Сілекс 9 ліпеня (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

25 БАЙЦОЎ ПАД КІРАЎНІЦТВАМ АЛЯКСАНДРА ШАГОЙКІ

5.07.2026

Увечары нядзелі, 5 ліпеня, "бела-сінія" адправяцца на матчы стартавага кваліфікацыйнага раўнда Лігі канферэнцый-2026/27.

Маршрут такі: з клубнай базы ў Стайках на аўтобусе ў Варшаву, адтуль авіяпералёт у Сафію — і аўтобусны марш-кідок працягласцю каля 250 км да Стара-Загоры.

Трэнерскі штаб Аляксандра Шагойкі ўключыў у выязны спіс 25 футбалістаў:

брамнікі — Міхаіл КАЗАКЕВІЧ, Даніла РАДКЕВІЧ, Іван ШЫМАКОВІЧ;

абаронцы — Міхаіл АЛЯКСАНДРАЎ, Раман БЕГУНОЎ, Аляксей ВАКУЛІЧ, Глеб ГУРБАН, Мацвей ДУБАТОЎКА, Аляксей ІВАНОЎ, Уладзіслаў КАЛІНІН, Абдул Азіз ТУРЭ, Максім ШВЯЦОЎ;

паўабаронцы — Фаваз АБДУЛАХІ, Гулжыгіт АЛЫКУЛАЎ, Дзмітрый ДЗЕГЦЯРЭНКА, Аляксей ЖЭЧКА, Яўген МАЛАШЭВІЧ, Ягор МОЎЧАН, Уладзіслаў ПОЛАЗ, Аляксандр СЯЛЯВА, Арцём САКАЛОЎСКІ;

нападнікі — Карэн ВАРДАНЯН, Леанард ГВЕТ, Мустафа ДЖЫМЕ, Андрэй ЛУЦКОВІЧ.

Адзначым, што прадстаўлены гульцом мінскага "Дынама" хаўбек Данііл Душэўскі далучыцца да каманды пазней.