Наступны матч МЛ Віцебск 3 мая (19:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

СВАІХ УЛАДАЛЬНІКАЎ ЧАКАЮЦЬ IPHONE 17 PRO І PLAYSTATION 5!

30.04.2026

Мінскае "Дынама" анансуе розыгрыш крутых прызоў, арганізаваны сумесна са сваім афіцыйным партнёрам — папулярнай крыптаплатформай WhiteBird.

Хтосьці з заўзятараў, якія наведаюць нядзельны чэмпіянатны паядынак "бела-сініх" з "МЛ Віцебск", забярэ з сабой дадому:

- IPhone 17 Pro;

- PlayStation 5;

- брэндаваны скураны заплечнік.

Для ўдзелу трэба ўсяго толькі быць падпісаным на Instagram-акаўнты нашага клуба і WhiteBird.

Пачынаючы з 17.30 прыходзьце ў фан-зону на Нацыянальным алімпійскім стадыёне "Дынама" (вул. Кірава, 8/6), дэманструйце выканенне ўмовы на сваіх дэвайсах і атрымлівайце купон. Адрыўную частку кідайце ў адмысловы бокс, іншую захоўвайце ў сябе.

Уладальнікаў топавых падарункаў сляпое лёсаванне вызначыць у перапынку матчу. Зычым удачы!