КВІТКІ НА МАТЧ "ДЫНАМА-МІНСК" — "ІСЛАЧ"

У нядзелю, 19 красавіка, "бела-сінія" трэці раз у гэтым годзе пазмагаюцца з камандай з Прысталічча. Кубкавы двубой завершылі на сваю карысць — спадзяемся, перамогу атрымаецца здабыць і ў чэмпіянатным супрацьстаянні.

Падначаленыя Аляксандра Шагойкі прымуць "Іслач" на Нацыянальным алімпійскім стадыёне "Дынама". Супернікі пачнуць высвятляць адносіны ў 14.00.

Квіткі на матч ужо ў продажы! Набывайце:

Квіткі коштам 7-15 рублёў дасяжны для набыцця:

- на Ticketpro;

- у любым з пунктаў продажу гэтай кампаніі па ўсёй Беларусі;

- у клубным фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

Сектарам актыўнай падтрымкі гаспадароў поля (фанаты) з’яўляецца С23, для прыхільнікаў "валкоў" выдзелены В12 і В13.

УВАЗЕ ЎЛАДАЛЬНІКАЎ СЕЗОННЫХ АБАНЕМЕНТАЎ!

Вам прапануецца займаць любыя вольныя месцы ў сектары А5 — на шэрагах з 9-га па 15-ы.

Рассаджванне там будзе ажыццяўляцца па прад’яўленні арыгінала абанемента кантралёру-стюарду.

Дзейнічаюць такія ільготы:

- 40% — дзецям 6-18 гадоў і студэнтам;

- 50% — пенсіянерам і інвалідам II групы.

Бясплатна наведваюць дамашнія сустрэчы мінскага "Дынама" ветэраны Вялікай Айчыннай вайны, ліквідатары аварыі на ЧАЭС, інваліды I групы і ўдзельнікі баявых дзеянняў у Афганістане, а таксама дзеці да 5 гадоў (без права заняцця месца).

Для актывацыі зніжкі неабходна пры пакупцы прад’явіць дакумент, які пацвярджае асобу і/ці права на атрыманне зніжкі (даведку з вучэбнай установы, студэнцкае, пенсіённае пасведчанне, дакумент ад інваліднасці і г.д.).

Для замаўлення бясплатнага квітка патрабуецца ПАПЯРЭДНЕ даслаць заяўку на fan@dinamo-minsk.by з прымацаваным сканам дакумента, які пацвярджае права на атрыманне такога квітка.