Наступны матч МЛ Віцебск 29 красавіка (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КВІТКІ НА ЧЭМПІЯНАТНЫ ПАЯДЫНАК З "МЛ ВІЦЕБСК"

28.04.2026

На гэтым тыдні наша каманда двойчы згуляе на Нацыянальным алімпійскім стадыёне "Дынама". Прычым абодва разы — з адным прынцыповым супернікам у межах двух турніраў.

Яшчэ не позна набыць квіткі на заўтрашнюю сустрэчу ў адказ 1/2 фіналу Кубка краіны-2025/26 з "МЛ Віцебск".

Змаганне пад эгідай найвышэйшай лігі пройдзе ў нядзелю, 3 мая — пачатак у 19.00. Апроч самога захапляльнага і напружанага паядынку, заўзятараў чакае мноства крутых актыўнасцяў да стартавага свістка і ў перапынку — сачыце за навінамі на афіцыйным сайце і ў сацыяльных сетках "бела-сініх".

Ну а пакуль пакупайце квіткі на найважнейшы чэмпіянатны матч! Спосабаў хапае:

- праз Ticketpro;

- у любым з пунктаў продажу гэтай кампаніі па ўсёй Беларусі;

- у клубным фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

Сектарам актыўнай падтрымкі гаспадароў поля (фанаты) з’яўляецца С23, для прыхільнікаў "МЛ Віцебск" выдзелены В12 і В13.

УВАЗЕ ЎЛАДАЛЬНІКАЎ СЕЗОННЫХ АБАНЕМЕНТАЎ!

Вам прапануецца займаць любыя вольныя месцы ў сектары А5 — на шэрагах з 9-га па 15-ы.

Рассаджванне там будзе ажыццяўляцца па прад’яўленні арыгінала абанемента кантралёру-стюарду.

Дзейнічаюць такія ільготы:

- 40% — дзецям 6-18 гадоў і студэнтам;

- 50% — пенсіянерам і інвалідам II групы.

Бясплатна наведваюць дамашнія сустрэчы мінскага "Дынама" ветэраны Вялікай Айчыннай вайны, ліквідатары аварыі на ЧАЭС, інваліды I групы і ўдзельнікі баявых дзеянняў у Афганістане, а таксама дзеці да 5 гадоў (без права заняцця месца).

Для актывацыі зніжкі неабходна пры пакупцы прад’явіць дакумент, які пацвярджае асобу і/ці права на атрыманне зніжкі (даведку з вучэбнай установы, студэнцкае, пенсіённае пасведчанне, дакумент ад інваліднасці і г.д.).

Для замаўлення бясплатнага квітка патрабуецца ПАПЯРЭДНЕ даслаць заяўку на fan@dinamo-minsk.by з прымацаваным сканам дакумента, які пацвярджае права на атрыманне такога квітка.