"ДЫНАМА-МІНСК" — "ІСЛАЧ": ІНФАРМАЦЫЯ АБ МАТЧЫ

Зусім нядаўна войска Аляксандра Шагойкі высвятляла адносіны з супернікамі з Прысталічча ў кубкавым чвэрцьфінале (і аказалася мацнейшым!) — цяпер жа час змагацца ў межах чэмпіянату краіны-2026.

Гэты паядынак 4-га тура пройдзе ў нядзелю, 19 красавіка, на газоне Нацыянальнага алімпійскага стадыёна "Дынама". Пачатак а 14-й гадзіне.

КВІТКІ

Кошт — 7-15 рублёў.

Набывайце анлайн праз Ticketpro, у любым з пунктаў продажу кампаніі па ўсёй рэспубліцы, у фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень гульні — у касах стадыёна з 10.00.

Сектар актыўнай падтрымкі нашай каманды (фанаты) — С23, для прыхільнікаў "валкоў" выдзелены В12 і В13.

Уладальнікам сезонных абанементаў прапануецца займаць любыя вольныя месцы ў сектары А5 — на шэрагах з 9-га па 15-ы (пры сабе трэба мець арыгінал абанемента).

ДОПУСК ЗАЎЗЯТАРАЎ

У 12.30 адкрыюць уваход на тэрыторыю арэны праз гістарычную арку з боку вул. Кірава.

НАДВОР’Е

Паслязаўтра днём у цэнтры сталіцы будзе малахмарна, ападкаў не чакаецца. Слупок тэрмометра прагрэецца да адзнакі +9+11 градусаў.

ФОРМА

Гаспадары зрабілі выбар на карысць белых маек і трусоў (брамнік — цалкам у салатавым).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Сяргеем Сцяцурыным, асістэнтамі якога стануць Сяргей Касавец (абодва — Брэст) і Антон Палуянаў (Мазыр). Чацвёрты — Сяргей Клімашэўскі (Мінск).

Інспектар матчу — Юрый Майстроў (Фаніпаль).

Дэлегат АБФФ — Аляксандр Алейнік (Мінск).

ТРАНСЛЯЦЫЯ

У жывым эфіры супрацьстаянне пакажа тэлеканал "Беларусь 5".