Наступны матч МЛ Віцебск 29 красавіка (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ДЫНАМА"-БДУФК — АБФФ WU19: 26 КРАСАВІКА Ў 12.00

24.04.2026

У наступныя выходныя пасля трохтыднёвай паўзы ўзнавіцца жаночы чэмпіянат краіны-2026.

Шасціразовыя ўладальніцы галоўнага нацыянальнага тытула з "Дынама"-БДУФК у нядзелю, 26 красавіка, у родных сценах прымуць зямлячак з АБФФ WU19. Гульня на "Юні" (вул. Акадэміка Вышалескага, 4А) пачнецца ў 12.00.

Чакаем заўзятараў на трыбунах! Уваход вольны.

Каманда Юрыя Малеева зрабіла выбар на карысць сініх маек і трусоў (галкіпер — цалкам у чорным).

На паядынку будзе працаваць брыгада арбітраў у такім складзе: галоўны — Крысціна Кузьменка (Мазыр), памочнікі — Аляксандра Шараева і Маргарыта Міруца (абедзве — Віцебск). Чацвёрты — Настасся Алешчанка (Мінск). Інспектар матчу — Аляксандр Чэрнік (Мінск).

Жывы эфір — на Youtube-канале WF Belarus.