Наступны матч Белшына 28 кастрычніка (14:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ГОМЕЛЬ" — "ДЫНАМА-МІНСК": ІНФАРМАЦЫЯ АБ МАТЧЫ

22.10.2026

Чарговы бар’ер у чэмпіянатнай гонцы-2026 войска Аляксандра Шагойкі пастараецца пераадолець у суботу, 24 кастрычніка, — у горадзе над Сожам, дзе згуляюць у межах 26-га тура. Стартавы свісток у супрацьстаянні на стадыёне "Цэнтральны" (пл. Паўстання, 1) прагучыць у 13.00.

КВІТКІ

Кошт — 10-35 рублёў. Для дзяцей да 7 гадоў — уваход вольны, для школьнікаў пры прад’яўленні суадносных дакументаў — 5 рублёў.

Для заўзятараў мінскага "Дынама" выдзелены сектары 6-7.

НАДВОР’Е

Паслязаўтра днём на паўднёвым усходзе краіны будзе хмарна, без ападкаў — пры тэмпературы +12+14 градусаў.

ФОРМА

Нашы хлопцы выйдуць на газон у сініх майках і трусах (галкіпер — у лімонным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Віктарам Шымусікам, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Амін Кургхелі.

Інспектар матчу — Міхаіл Лаўскі (абодва — Гомель).

Дэлегат АБФФ — Дзмітрый Калачоў (Магілёў).

ТРАНСЛЯЦЫЯ

Вельмі цікавы паядынак у жывым эфіры пакажуць тэлеканал "Беларусь 5" і сайт sport5.by.