Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Па пагадненні бакоў прыпынена дзеянне кантракта паміж нашым клубам і паўабаронцам Кірылам КАПЛЕНКАМ.
Гэты футбаліст правёў адзін паядынак за асноўны склад "бела-сініх". Апроч таго, шэсць разоў выходзіў на газон у форме першалігавага "Дынама"-БДУФК (4 галы + 1 асістэнцкі бал).
Зычым Кірылу поспехаў на новым працоўным месцы!
