"ДЫНАМА-МІНСК" — "ВІЦЕБСК": ІНФАРМАЦЫЯ АБ МАТЧЫ

У суботу, 27 чэрвеня, нашу каманду чакае дамашні паядынак 13-га тура айчыннай найвышэйшай лігі-2026. На газоне Нацыянальнага футбольнага стадыёна па Партызанскім п-це, 65 належыць прымаць "Віцебск" — пачатак у 20.30.

КВІТКІ

Кошт — 7-75 рублёў. Набывайце:

- на Ticketpro;

- у любым з пунктаў продажу кампаніі па ўсёй краіне;

- у фан-шопе на Нацыянальным алімпійскім стадыёне "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень гульні — з 15.30 у касе №1 арэны з боку вул. Ванеева і ў касе №2 каля цэнтральнага ўвахода з боку Партызанскага п-та.

Сектар актыўнай падтрымкі гаспадароў (фанаты) — 122, для прыхільнікаў "Віцебска" выдзелены 113.

ДОПУСК ЗАЎЗЯТАРАЎ

Трапіць на тэрыторыю арэны можна з 19.00 праз уваходы з боку Партызанскага п-та і вул. Ванеева.

Каб пазбегнуць утварэння чэргаў, пераканаўча просім прыязджаць загадзя.

НАДВОР’Е

Паслязаўтра ўвечары ў сталіцы будзе малахмарна — пры тэмпературы +24+26 градусаў.

ФОРМА

Войска Аляксандра Шагойкі апране белыя майкі і трусы (брамнік — цалкам у салатавым).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Віктарам Шымусікам з Асіповічаў, асістэнтамі якога стануць Аляксандр Банцееў (Бабруйск) і Яўген Клімовіч (Дзяржынск). Чацвёрты — Дзмітрый Коржык.

Інспектар матчу — Юрый Дупанаў.

Дэлегат АБФФ — Андрэй Мішаеў (усе — Мінск).

ТРАНСЛЯЦЫЯ

У жывым эфіры супрацьстаянне пакажа тэлеканал "Беларусь 5".