Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Нашы хлопцы поўныя жадання працягнуць сваю пераможную чэмпіянатную серыю ў гасцях у БАТЭ — гэты паядынак пройдзе на "Барысаў-Арэне" ў суботу, 30 жніўня, і пачнецца ў 18.30.
Карэспандэнты прэс-службы "бела-сініх" напярэдадні з’ездзілі на клубную базу ў Стайках — і прадстаўляюць увазе заўзятараў відэа, прысвечанае падрыхтоўчай працы падначаленых Аляксандра Паўлава.
Прыемнага прагляду!
