Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Дзякуючы выязной перамозе 2:1 над першалігавым гомельскім "Лакаматывам" наша каманда заваявала пуцёўку ў 1/8 фіналу Кубка краіны-2025/26.
Супернікам на гэтым этапе стане "Віцебск", змагацца з якім належыць восенню ў родных сценах. Дата правядзення паядынку вызначыцца пазней.
Адзначым, што на стартавай для сябе стадыі турніру паўночнікі ў Магілёве зламілі супраціў "Дняпра" (Д2) — 1:0.
