Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
"Бела-сінія" з розных прычын пакуль не стартавалі ў розыгрышы другога па значнасці нацыянальнага турніру сезона-2025/26.
Гэта здарыцца ў аўторак, 19 жніўня, калі ў межах 1/16 фіналу належыць у Гомелі змагацца з мясцовым "Лакаматывам" (Д2). Паядынак на аднайменным стадыёне пачнецца ў 17.00.
Нагадаем, што ў выпадку пераадолення бар’ера наша каманда ў наступным кубкавым этапе дома прыме "Віцебск".
