Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Па згодзе бакоў перапынена дзеянне кантракта паміж ФК "Дынама-Мінск" і абаронцам Іллёй КАЛАЧОВЫМ.
Расійскі футбаліст далучыўся да нашай каманды напачатку гэтага года — і згуляў 10 афіцыйных матчаў, прычым ужо ў дэбютным — 22 лютага — стаў уладальнікам Суперкубка Беларусі.
Дзякуем Ілле за час, праведзены ў складзе "бела-сініх", і зычым поспехаў у далейшай кар’еры!
