Наступны матч Слуцк-2024 6 верасня (д) (12:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

БАТЭ — "ДЫНАМА-МІНСК": ІНФАРМАЦЫЯ АБ МАТЧЫ

28.08.2025

У суботу, 30 жніўня, наша каманда закрые летнюю частку праграмы чэмпіянату краіны-2025 у элітным дывізіёне — выязным паядынкам са здаўна вельмі прынцыповым супернікам. Змагацца з БАТЭ у межах 20-га тура належыць на "Барысаў-Арэне" (вул. Гагарына, 119). Пачатак у 18.30.

КВІТКІ

Кошт — ад 8 рублёў.

Набыць можна загадзя анлайн, а таксама перад самой гульнёй — з 12.30 — у касах стадыёна.

Для заўзятараў сталічнага "Дынама" выдзелены сектары G1 і G2.

НАДВОР’Е

Паслязаўтра ўвечары ў Барысаве будзе ясна і амаль без ветру — пры тэмпературы +22+24 градусы.

ФОРМА

Войска Аляксандра Паўлава выйдзе на поле ў сініх майках і трусах (галкіпер — цалкам у чырвоным).

СУДДЗІ І АФІЦЫЙНЫЯ АСОБЫ

Прызначэнне на сустрэчу атрымала брыгада арбітраў на чале з Віктарам Шымусікам, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Мікіта Кабак (Барысаў).

Інспектар матчу — Аляксандр Яўневіч.

Дэлегат АБФФ — Іван Гаравец (абодва — Мінск).

ТРАНСЛЯЦЫЯ

Айчыннае "класіка" пакажа Youtube-канал АБФФ.