Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Асацыяцыя "Беларуская федэрацыя футбола" зацвердзіла поўны расклад матчаў 24-га тура чэмпіянату краіны-2025 у найвышэйшай лізе.
У суботу, 4 кастрычніка, мінскаму "Дынама" належыць на выездзе змагацца з "Маладзечнам-2018". Стартавы свісток на стадыёне "Гарадскі" прагучыць у 15.45.
Гэта будзе заключны для "бела-сініх" паядынак перад чарговай міжнароднай паўзай "на зборныя".
