Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Героем аднаго з сюжэтаў у межах чарговага выпуску праекта "Агляд тура", які выходзіць на тэлеканале "Беларусь 5", стаў мінскі дынамавец Мікіта ДЗЕМЧАНКА (з адзнакі 32.36).
23-гадовы футбаліст прыгадаў пра выступленні "бела-сініх" у нядаўняй еўракубкавай кампаніі, пра жаданне працягнуць кар’еру на больш высокім узроўні і асаблівых пачуццях ад гульні за нацыянальную зборную.
