Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Паядынак з "Мінскам" (1:2) аказаўся для Ўладзіслава КАЛІНІНА юбілейным — 50-м у найвышэйшай лізе чэмпіянатаў Беларусі.
Усе гэтыя гульні выхаванец Акадэміі "бела-сініх" правёў за родны клуб. Дэбют адбыўся 4 ліпеня 2021-га — дома супраць "Славіі".
У актыве 23-гадовага ўніверсала абарончага плану значыцца адна галявая перадача.
