Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Асацыяцыя "Беларуская федэрацыя футбола" апублікавала сваю версію "каманды тыдня" па выніках 22-га гульнявога дня айчыннай найвышэйшай лігі-2025.
У гэту адзінадцатку ўключаны адзін прадстаўнік мінскага "Дынама", якое на выездзе святкавала валявую перамогу 2:1 над "Віцебскам".
Адзначаным аказаўся Іван БАХАР — 27-гадовы нападнік на 37-й хвіліне параўняў лічбы на табло, а потым асіставаў Мустафе Джыме.
