Наступны матч Мінск 14 верасня (г) (20:15)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ЦАПЯНКОЎ ЗАБІЎ ДАЛЬНІМ СТРЭЛАМ

8.09.2025

Зборная нашай краіны, сфармаваная з футбалістаў не старэйшых за 2004 год нараджэння, завяршыла вераснёўскі адрэзак кваліфікацыі моладзевага чэмпіянату Еўропы-2027. На жаль, у намінальна дамашнім паядынку з апанентамі з Аўстрыі не здолела набраць ніводнага ачка — 2:3. Прычым саступала 0:2, дабілася поспеху ў пагоні, а на 52-й хвіліне прапусціла з пенальці. У далейшым стварыла шэраг выдатных момантаў, але не прадэманстравала неабходнага ўзроўню рэалізацыі…

Цалкам сустрэчу на стадыёне імя Тэнгіза Бурджанадзэ ў грузінскім Горы адгулялі два прадстаўнікі мінскага "Дынама" — брамнік Іван ШЫМАКОВІЧ і хаўбек Кірыл ЦАПЯНКОЎ, які аднавіў раўнавагу дальнім стрэлам адразу пасля перапынку.

У іншым супрацьстаянні ў групе I датчане на выездзе перамаглі валійцаў — 6:2.

Вось як выглядае становішча каманд зараз: 1. Данія U21 — 3 (пасля 1 матчу). 2. Аўстрыя U21 — 3 (1). 3. Бельгія U21 — 1 (1). 4. БЕЛАРУСЬ U21 — 1 (2). 5. Уэльс U21 — 1 (0).

Фота: t.me/abffby